Казиева Ж.Н. — 2007 жылы әл-Фараби атындағы ҚазҰУ философия факультетін «философия» мамандығы бойынша бітірген. 2008–2010 жылдары магистратурада оқып, «М. Жұмабаев шығармашылығындағы философиялық ойлар» тақырыбында магистрлік диссертациясын сәтті қорғаған. Еңбек жолын ҚазҰУ Әлеуметтік философия кафедрасында лаборант болып бастап, 2010 жылдан бастап осы университеттің Философия кафедрасында оқытушы болып қызмет етеді. Оның жалпы педагогикалық өтілі – 11 жыл. Ж.Н. Казиева өзін шығармашыл, эрудициялы, білікті педагог ретінде көрсетті, оған жоғары жауапкершілік, өзін-өзі ұйымдастыру және тәртіптілік тән. Ол әріптестерімен тиімді жұмыс істейді, білімі мен тәжірибесін бөліседі және күрделі жағдайларда шешім таба біледі. Жұмысын сүйетін, әріптестері мен студенттері арасында беделге ие және студенттің жеке ерекшеліктері мен құндылықтарын құрметтейтін ұстаз.